Author: Jardfeingi

Fjórða útbjóðingarumfar endaliga avgreitt

Í samband við fjórða útbjóðingarumfar, sum læt aftur 17. februar, fekk Jarðfeingi eina umsókn at leita eftir kolvetni í føroyskum øki. Eftir at Jarðfeingi hevur viðgjørt umsóknina og umrøtt hana við umsøkjaran, hevur umsøkjarin avgjørt at taka umsóknina aftur. Tað fjórða útbjóðingarumfarið er sostatt liðugt avgreitt, uttan at nakað leitiloyvi varð útskrivað. Jarðfeingi metir høvuðsorsøkina til at tað ikki vóru fleiri umsóknir vera, at oljuvinnan ikki er komin í gongd við leitivirksemi aftur, aftaná kreppuna í vinnuni í kjalarvørrinum á stóra prísfallinum á olju í...

Les meira

Føroyingar og afrikanar skipa fyri altjóða skeiði í Tansania um landgrunsrætt

Mánadagin 23. apríl byrjaði summarskeiðið við heitinum Summer Academy on the Continental Shelf 2018 (SACS). Skeiðið varar í eina viku og verður hildið í Arusha, Tansania. 31 fólk úr 20 londum luttaka á skeiðinum, og av hesum eru umleið helmingurin úr 11 afrikanskum londum, meðan hini eru úr londum kring allan heim. Skeiðið í Arusha er grundað á samstarvsavtalu millum Fróðskaparsetur Føroya og African Institute of International Law. Jarðfeingi hevur verkætlanarleiðsluna. Fíggjarliga er skeiðið m.a. stuðlað av Korean Maritime Institute og av játtanini hjá landsstýrinum til menningarsamstarv. Undirvísarar á skeiðinum eru m.a. føroyingarnir Bjørn Kunoy, havrættarserfrøðingur, Martin Heinesen, jarðfrøðingur...

Les meira

Sjóneykan sett á heita vatnið í Kollafirði

Í løtuni er ein PhD-verkætlan í gongd á Jarðfeingi. Verkætlanin sum fór av bakkastokki í august í fjør, er millum annað eisini ein partur av eini størri verkætlan, har Jarðfeingi er farið í holt við at kanna grundvatn í Føroyum nærri. Tað er jarðfrøðingurin Óluva Eidesgaard, sum í PhD-verkætlanini er farin at hyggja nærri at hvørjir møguleikar liggja í at brúka ymiskar elektroniskar mátingar í basalti. Elektroniskar mátingar kunnu gerast í boriholum, bæði á landi og til havs, og verða brúkar til at fáa eina betri og hollari vitan um grótið, ið borað verður í, millum annað hvussu t.d....

Les meira

Kanna hvussu grundvatnið ferðast í undirgrundini

Jarðfeingi setti í 2017 fokus á at kanna, hvussu grundvatnið ferðast í undirgrundini. Hetta varð gjørt við at velja eitt royndarøki, sum síðani varð kortlagt. Vit valdu eitt royndarøki í Kollafirði, hetta tí at í 2014 var heitt vatn – 27o C  – funnið í eini jarðhitaboring í Kollafirði, og enn renna 15 tons um tíman úr hesi skipan, sum í dag umfatar tríggjar jarðhitaboringar. Basalt er í stóran mun eitt lutfalsliga tætt grótslag, sum í sær sjálvum inniheldur lítið av vatni. Í støðum kann tað tó vera poknut, men lítið og einki samband er vanliga millum tær einstøku...

Les meira

Ein umsókn um kolvetnisleiting í føroyskum øki

Tá fjórða útbjóðingarumfar læt aftur leygardagin á middegi, hevði eitt felag søkt Jarðfeingi um at leita eftir kolvetni í føroyska landgrunninum. Jarðfeingi fer nú at viðgera umsóknina. Talan er um drúgt og tekniskt tilfar, sum tekur nakrar vikur at viðgera. “Sjálvandi hevði eg vónað, at vit fingu fleiri enn ta einu umsóknina”, sigur Poul Michelsen, landsstýrismaður. Landsstýrismaðurin leggur tó afturat, at altjóða oljuídnaðurin framhaldandi er í kreppu og at leitivirksemið er tað minsta í meira enn seksti ár. “Tí høvdu vit hinvegin ikki væntað at fingið nógvar umsóknir.” Umframt ta einu umsóknina vístu fleiri feløg ítøkiligan áhuga fyri føroyska...

Les meira

Jarðfeingi marknaðarført 4. útbjóðingarumfar á PROSPEX í London

Jarðfeingi var í døgunum 13-14. desember 2018 aftur við á væl umtóktu og væl vitjaðu PROSPEX oljuráðstevnuni í London. Umframt at hava bás, varð hesa ferð dentur lagdur á framløgur, og hesa ferð hevði Jarðfeingi tvær framløgur hesar báðar dagarnar, ráðstevnan vardi. Niels Christian Nolsøe, stjóri á Jarðfeingi, helt framløguna “Long term exploration Strategy on the Faroese Continental shelf”, og Heri Ziska, Head of Exploration á Jarðfeingi, helt framløguna “Exploration opportunities East of the Faroe Islands”. Tvær sera áhugaverdar framløgur, ið fingu fleiri áhugaðar luttakarar inn á básin at spyrja um ymiskt viðvíkjandi útbjóðingarumfarinum og um tað føroyska økið...

Les meira